სოხუმის სახელმწიფო უნივერსიტეტის სტუდენტები და აკადემიური პერსონალი დღეს 16 მარტს 13:00 საათზე გმირთა მოედანზე პატივს მიაგებენ აფხაზეთის ომში საქართველოს ტერიტორიული მთლიანობისთვის დაღუპული გმირების ხსოვნას. გვირგვინით შეამკობენ მემორიალს და კიდევ ერთხელ გაიხსენებენ ოკუპანტების წინააღმდეგ მამაცურად მებრძოლი საქართველოს მთლიანობისთვის დაღუპულ გმირებს.
1993 წლის 15 და 16 მარტს ქართველმა მეომრებმა ადგილობრივ მოსახლეობასთან ერთად სეპარატისტების ერთ-ერთი ყველაზე მასშტაბური შეტევა წარმატებით მოიგერიეს.